En Schmelermer Jogg und e Jenischi Gaje hechtn sich verkrönt und e Galmele gstiebt!
En tofes Schiegele.
Ma's Schiegele grandicher hurt, holcht se zum Patri und mandet:
Patri du scheftsch doch en Schmelermer und Mammere e Jenischi....
scheft ich jetzt en manisches oder jenisches Schiegele?
Do tibbert de Patri:
du hursch des ma dei Patri scheft, also e Manisches Modele.
No holcht die jinglisch zu de Mammere und mandet:
Mammere du hursch do e Jenischi Gaje und de Patri e Schmelermer, ma scheft ich?
E Jenischs oder manisches Schiegele?
Mammere schmust:
Du scheft e Jenische!
Warum frakelsch?
Do baalt die jinglisch:
de Fiesel nebekünftig hechtn Welo, ma ich nobi kneiss scheft i Jenisch oder manisch,
kneiss ich lori, soll ich's Welo schniffe oder mangen?!
Danke Mano !
